Jæja, nú er búið að vanta næstum því allt súkkulaði í þennan mánuð og við ætlum að bæta úr því með þessum unaðslegu brúnkum!
Að þessu sinni ætlum við að vinna aðeins með hindber sem bjóða upp á þennan yndislega fallega bleika lit í þeldökkum brúnkunum. Einföld uppskrift og syndsamlega gott bragð – þessi bráðnar í munni!
Nóg fyrir alla.
Geggjaðir litir!
Já hún bráðnar í munni þessi!
Fullt af litlum bitum.
Hindberjabrúnka
|
|
|
Hráefni
- 1/4bolli ólífuolía
- 250g 56% súkkulaði
- 1/2bolli sykur
- 2 Nesbú-egg
- 1tsk vanilludropar
- 1/4bolli Kornax-hveiti
- 2msk sterkt kaffi
- 1/4tsk lyftiduft
- 100g hindber(fersk eða frosin)
Leiðbeiningar
- Hitið ofninn í 175°C og smyrjið form sem er 20x20 sentímetrar að stærð.
- Setjið olíu og súkkulaði í pott og hitið yfir lágum hita þar til súkkulaðið er bráðnað og búið að blandast olíunni.
- Blandið sykri við súkkulaðiblönduna og því næst eggjunum, einu í einu. Blandið vanilludropunum saman við.
- Bætið kaffi, hveiti og lyftidufti út í deigið og hrærið vel.
- Hellið deiginu í formið og dreifið hindberjunum yfir. Bakið í 30 til 40 mínútur og leyfið kökunni að kólna áður en hún er skorin.
