Mig langaði að búa til einhverjar smákökufígúrúr fyrir þennan mánuð og var búin að reyna ýmislegt áður en ég rambaði á þessa yndislegu, sætu, girnilegu og gómsætu grísi.
Ég meina, getið þið staðist þessar dúllur? Ég hélt ekki…
Hæ!
Svo góðir líka.
Þvílík krútt!
Þetta eru grísir eftir mínu höfði.
Girnilegir grísir
|
|
|
Hráefni
- 100g mjúkt smjör
- 200-250g Kornax-hveiti
- 1msk sýrður rjómi
- 1/3tsk salt
- 100g sykur(má sleppa)
- 1 Nesbú-egg
- 1/2tsk vanilludropar
- bleikur matarlitur
- svartur, ætilegur penni
Leiðbeiningar
- Hitið ofninn í 180°C og setjið bökunarpappír á ofnplötur.
- Blandið öllu vel saman nema matarlitnum og pennanum auðvitað.
- Takið smá klípu af deiginu og litið það bleikt.
- Fletjið restina af deiginu út á hveitilögðum borðfleti. Ég kaus að hafa mínar kökur í þynnra lagi.
- Skerið út hringa úr deiginu (hausinn á grísnum) og litla þríhyrninga (eyrun).
- Raðið hringunum á ofnplötuna og raðið þríhyrningunum á eins og sést á myndunum hér fyrir ofan.
- Búið til litlar kúlur úr bleika deiginu og mótið litla hringi úr því fyrir trýni.
- Raðið trýnunum á svínin og gerið tvær rákir fyrir nasir með hníf.
- Bakið í 7-9 mínútur eða þar til brúnirnar eru farnar að brúnast.
- Leyfið kökunum að kólna og teiknið síðan augu á sætu grísina með pennanum.
