Ég þoli ekki að henda mat og reyni því alltaf að finna upp á nýjum og spennandi leiðum til að nýta banana sem eru á síðasta snúningi.

Ég ákvað að blanda saman bananabrauði og súkkulaðiköku því við skulum bara horfast í augu við sannleikann – bananabrauð er bara kaka. Hættið að ljúga að ykkur sjálfum! Svo átti ég smá M&M með hnetusmjöri úr fríhöfninni og ákvað að henda því ofan á til að láta þetta líta aðeins meira út eins og kaka. Eins og að setja þetta gums í hringlaga form væri ekki nóg! Það er að sjálfsögðu hægt að drissa súkkulaðispænum yfir kökuna í staðinn fyrir M&M – M&M-ið er bara svo fallegt! Og það er fátt betra saman en bananar og hnetusmjör #mínskoðun.


Bananabrauð - dýrari týpan
Hráefni
Aðferð
  1. Hitið ofninn 175°C og takið til form sem þið viljið nota.
  2. Maukið bananana og blandið þeim saman við smjörið, púðursykur, vanilludropa og eggið.
  3. Blandið hveiti, kakói, salti og matarsóda saman við og því næst súkkulaðibitunum.
  4. Setjið blönduna í form og dreifið M&M-i yfir. Ég setti mína blöndu í frekar stórt hringlaga form og bakaði hana í 25 mínútur. Ef þið setjið deigið í brauðform þarf það alveg góðar 45 mínútur. P.S. Yfirleitt á maður að taka kökur og brauð úr ofninum þegar ekkert deig fylgir með á prjóni sem stungið er í miðjuna. Í þessu tilviki má „brauðið“ vera pínulítið blautt.

Umsagnir

Umsagnir