Eftirréttirnir bara verða ekki einfaldari en þessi karamellu- og bananabomba. Ég lofa! Og þeir verða heldur ekki mikið betri – það er að segja ef þú elskar karamellusósu, banana og rjóma.

Þessi eftirrétur er tilvalinn í matarboðið því það er svo ofureinfalt að búa hann til. Ég ákvað að setja hann saman í eftirréttaskálar en auðvitað er hægt að skella honum bara í eldfast mót eða kökuform og leyfa gestunum að skera sér sneiðar. Eitt er víst – þessi bananabomba hverfur fljótt.

Í eftirréttinum er karamellusósa en ég mæli með að nota Freyju-karamellusósuna úr þessari uppskrift, en sleppa hveitinu, því hún er einfaldlega engu lík. Sú allra besta karamellusósa sem ég fæ!

Njótið!

Svo gott!
Ég varð auðvitað að smakka.
Dökkt súkkulaði, rjómi, karamellusósa, bananar og hafrakexbotn. Nammi!
Sjáið þessa dásamlegu karamellusósu.

Súpereinföld karamellu- og bananabomba
Hráefni
Leiðbeiningar
  1. Myljið hafrakex með glasi eða í matvinnsluvél og blandið kexmylsnunni við smjörið.
  2. Þrýstið hafrakexblöndunni í botninn á 4-6 eftirréttaskálum eða í meðalstórt form.
  3. Hellið karamellusósunni yfir hafrakexbotninn.
  4. Skerið banana í sneiðar og raðið þeim ofan á karamellusósuna.
  5. Sprautið þeyttum rjóma yfir bananana og stráið súkkulaðispænum yfir.

Umsagnir

Umsagnir