Sumum finnst leiðinlegt að baka. Sumum finnst það erfitt og eiga í haturssamband við bakaraofninn sinn. Ég vil því kynna þetta fólk fyrir Mars-kúlunum mínum því jú, þær þarf ekki einu sinni að baka.
Í þessari uppskrift eru bara fjögur hráefni og er þetta tilvalinn eftirréttur eftir stóra máltíð – svona þegar mann vantar bara eitthvað örlítið sætt í tilveruna – ekki heila kökusneið.
Dúllurnar mínar.
Ein fallegasta mynd sem ég hef tekið.
Góðar með eða án skrauts.
Truflaðar Mars-kúlur
|
|
|
Hráefni
- 250g hafrakex(líka hægt að nota eitthvað annað kex)
- 20g kakó
- 250g sæt mjólk (sweetened condensed milk)
- 135g Mars
Leiðbeiningar
- Setjið kexið í matvinnsluvél og myljið það. Ég persónulega vill hafa nokkra stóra bita með mylsnunni en það er matsatriði.
- Bætið kakói og mjólk út í og hrærið vel.
- Skerið niður Mars í litla bita. Búið til kúlur úr kexblöndunni og troðið einum Mars-bita í miðjuna á hverri.
- Ef þið viljið poppa kúlurnar upp mæli ég með að velta þeim upp úr kökuskrauti. Best er að geyma þessar inni í ísskáp.
