Já, þið lásuð rétt. Þessar smákökur eru alveg eins og smákökurnar á Subway sem nánast allir elska! Og þessi uppskrift er svo ofureinföld að það hálfa væri nóg.
Ég bakaði eftir þessari uppskrift tvisvar í Bökunarmaraþoninu og hver einasta smákaka kláraðist. Úr hverri uppskrift fæ ég ca 30-40 kökur.
Ég mæli með því að þið leikið ykkur með það nammi sem þið setjið í þær en ég get sagt ykkur að þessi blanda af hvítu súkkulaði, Braki og lakkrís er dúndur!
Svona eiga allir dagar að vera.
Lakkrís, hvítt súkkulaði og Brak passa fáránlega vel saman.
Þessar smákökur eru þær allra bestu!
Syndsamlega góðar Subway-smákökur
|
|
|
Hráefni
- 155g mjúkt smjör frá MS
- 1/2bolli púðursykur frá Kötlu
- 1/4bolli sykur
- 1pakki Royal-vanillubúðingur
- 1/4tsk vanilludropar frá Kötlu
- 1 Nesbú-egg
- 1 1/2bolli Kornax-hveiti
- 1/2tsk lyftiduft frá Kötlu
- 1/2tsk matarsódi
- 1/4tsk sjávarsalt frá Kötlu
- 50g hvítt Lindu-súkkulaði(saxað)
- 50g Brak frá Góu
- 50 g Appollo-lakkrís(skorinn í bita)
Leiðbeiningar
- Hitið ofninn í 180°C og setjið smjörpappír á ofnplötur.
- Blandið smjöri, púðursykri og sykri mjög vel saman. Bætið því næst vanillubúðingnum saman við.
- Bætið vanilludropum og eggi vel saman við.
- Blandið hveiti, lyftidufti, matarsóda og salti vel saman í annarri skál og bætið því næst út í smjörblönduna.
- Blandið nammi varlega saman við með sleif eða sleikju.
- Raðið kökunum á plöturnar og bakið í 10-12 mínútur.
