Það virðast allir keppast um að borða kleinuhringi þessa dagana en nú vil ég segja við ykkur: Haldið ykkur heima inni í hlýjunni, byrgið ykkur upp af Mars-i og bakið þessa hringi. Þeir eru svakalegir!
Þessir eru ofboðslega bragðmiklir og í sjálfsblekkingu minni skar ég hvern kleinuhring í tvennt því ég hugsaði: Það er ekki séns að ég geti hesthúsað heilum svona með öllu þessu Mars-i í! Einmitt! Segjum bara sem svo að ég náði að gúffa í mig tveimur, heilum kleinuhringjum áður en ég rankaði við mér – viðbjóðslega gráðug og öll útötuð í súkkulaði. Svona rúlla ég bara…
Þetta er kleinuhringur allra kleinuhringja.
Allt þetta Mars – svo lítill tími.
Mmmmm!
Sturlaðir kleinuhringir
|
|
|
Hráefni
Kleinuhringir
- 3/4bolli sykur
- 1 1/4bolli Kornax-hveiti
- 1/4bolli kakó
- 3/4tsk matarsódi
- 1/2tsk salt
- 1 stórt Nesbú-egg
- 1tsk vanilludropar
- 3msk olía
- 1/2bolli sýrður rjómi
- 1/3bolli mjólk
- 90g Mars
Leiðbeiningar
Kleinuhringir
- Hitið ofninn í 180°C og smyrjið kleinuhringjaform vel.
- Blandið þurrefnum saman í skál og setjið til hliðar.
- Blandið eggi, vanilludropum, olíu og sýrðum rjóma saman í annarri skál.
- Hitið mjólkina og hellið yfir Mars-ið sem þið eruð búin að brytja niður. Leyfið blöndunni að bíða í 1 til 2 mínútur og hrærið svo þar til allt er vel blandað saman og bráðið.
- Blandið þurrefnum, eggjablöndunni og Mars-blöndunni vel saman og sprautið deiginu í kleinuhringjaformið.
- Bakið í 12 til 15 mínútur og leyfið hringjunum að kólna áður en þið setjið glassúrinn á.
Glassúr
- Hitið mjólkina og hellið yfir Mars-ið sem þið eruð búin að brytja niður. Leyfið blöndunni að bíða í 1 til 2 mínútur og hrærið svo þar til allt er vel blandað saman og bráðið.
- Blandið Mars-blöndunni saman við restina af hráefnunum og skreytið kleinuhringina. Ég skar svo að sjálfsögðu smá meira Mars niður og skreytti með því.
