Jæja, hér kemur ein týpa sem dóttir mín, sem er 6 ára, hannaði alveg sjálf. Hún var ekki í nokkrum vafa með hvaða gúmmulaði hún vildi hafa í sínum smákökum – nefnilega hvítt súkkulaði og Smarties.
Og út af því að hún hannaði þessar sjálf get ég vottað að það er lítið mál að leyfa krökkunum að taka þátt í þessum bakstri. Minni fannst það allavega sjúklega skemmtilegt!
P.S. Ef þið viljið sleppa Smarties þá mæli ég með að skipta því út fyrir pistasíuhnetur – það er unaður!
Þrjár fallegar.
Smarties og hvítt súkkulaði klikkar ekki.
Nammi namm!
Krakkakökur með hvítu súkkulaði og Smarties
|
|
|
Hráefni
- 145g mjúkt smjör
- 3/4bolli sykur
- 1/3bolli púðursykur
- 1 Nesbú-egg
- 1/2tsk vanilludropar
- 1 1/4bolli Kornax-hveiti
- 1/2tsk matarsódi
- 1/4tsk salt
- 1bolli Smarties(grófsaxað + nokkur til að skreyta með)
- 1bolli hvítt súkkulaði(grófsaxað)
Leiðbeiningar
- HItið ofninn í 180°C og setjið smjörpappír á ofnplötur.
- Hrærið smjöri, sykri og púðursykri mjög vel saman í skál.
- Bætið því næst eggi og vanilludropum saman við og hrærið vel saman.
- Blandið hveiti, matarsóda og salti saman í annarri skál og blandið saman við smjörblönduna.
- Blandið Smarties og hvítu súkkulaði varlega saman við með sleif eða sleikju.
- Hér má kæla deigið í 30 mínútur eða svo en það er ekki nauðsynlegt.
- Setjið kúlur úr deiginu, með ágætis millibili, á ofnplötur og bakið í 8-10 mínútur.
