Jæja, þá er komið að síðustu uppskriftinni í piparmyntumánuðinum og hún er sko ekki af verri endanum!
Mér fannst svo óralangt síðan ég hlóð í dásamlegar smákökur að ég sló til því mér persónulega finnst piparmynta öskra á smákökur!
Hér erum við að tala um ofureinfalda uppskrift að smákökudeigi sem þarf ekkert að kæla í ísskápi áður en maður bakar. Ykkur er auðvitað velkomið að kæla það ef þið viljið en fyrir svona óþolinmóðar týpur eins og mig er mjög gott að geta bara smellt því beint á ofnplötuna.
Græna súkkulaðið öskrar piparmynta.
Þetta var mjööög góður biti.
Fullur diskur af nýbökuðum smákökum.
Lovely!
Ómótstæðilegar piparmyntukökur
|
|
|
Hráefni
- 1 1/4bolli Kornax-hveiti
- 1/2tsk matarsódi
- 1/4tsk salt
- 115g mjúkt smjör
- 3/4bolli sykur
- 2 Nesbú-egg
- 1/2tsk piparmyntudropar
- 50g grænt súkkulaði(grófsaxað)
- 50g dökkt súkkulaði(grófsaxað)
Leiðbeiningar
- Hitið ofninn í 190°C og klæðið 2-3 ofnplötur með smjörpappír.
- Blandið smjör og sykri vel saman í skál og bætið því næst eggjum og piparmyntudropum saman við.
- Blandið hveiti, matarsóda og salti saman í annarri skál.
- Blandið hveitiblöndunni vel saman við smjörblönduna.
- Blandið súkkulaðinu varlega saman við með sleif eða sleikju.
- Setjið ca matskeiðarstórar porsjónir af deiginu á plöturnar með góðu millibili þannig að ca 9 kökur séu á hverri plötu.
- Bakið í 10-12 mínútur og leyfið kökunum að kólna lítið eitt áður en þið borðið þær.
