Gotteríin gerast ekki mikið einfaldari og eins og með svo margt í þessum mánuði geta krakkarnir tekið virkan þátt í að undirbúa afmælisveitingarnar sínar.
Þessir bílar eru gott dæmi um það og er hægt að eiga fallega fjölskyldustund við það að koma þessum dúllum saman. Svo eru þeir alveg einstaklega góðir á bragðið en meðfylgjandi uppskrift dugir í 12 geggjaða bíla! Brumm brumm…
Flott fylking.
Svo litríkt og skemmtilegt!
Yankie, Jelly Babies og Skittles – klikkar ekki!
Viðbúnir, tilbúnir – af stað!
Klikkaðir kappakstursbílar
|
|
|
Hráefni
- 6 Yankie-súkkulaði
- 1poki Jelly Babies
- 1poki Skittles
- 50g hvítt Milka-súkkulaði
Leiðbeiningar
- Byrjið á því að skera hvert Yankie í tvo jafnstóra bita.
- Bræðið súkkulaðið og takið til Jelly Babies og Skittles.
- Dýfið 12 Jelly Babies í hvíta súkkulaðið (bara smá - það þarf ekki mikið súkkulaði) og festið þau ofan á hvert Yankie-stykki - aðeins fyrir aftan miðju.
- Dýfið Skittles aðeins í súkkulaðið og festið þau eins og hjól á Yankie-stykkin og svo eitt Skittles fyrir framan Jelly Babies (fyrir stýrið). Gerist ekki einfaldara!
