Ég elska að koma fólki á óvart og því finnst mér rosalega skemmtilegt að baka bollakökur með einhverju földu í miðjunni.
Ég prófaði mig áfram með karamellubúðing sem heppnaðist svona rosalega vel þannig að ég ákvað að hlaða í karamellubollakökur fylltar með karamellubúðingi. Ofan á er síðan karamellukrem og punkturinn yfir i-ið er karamellusósan ofan á.
Of mikið af karamellu gætuð þið sagt en eins og ég segi alltaf: Það er aldrei of mikið af karamellu!
Þessar kláruðust fljótt.
Gerist ekki betra.
Þessar elskur eru ómótstæðilegar.
Þessi búðingur er trylltur!
Bollakökur með karamellubúðing og karamellukremi
|
|
|
Hráefni
Búðingur
- 1msk Kornax-hveiti
- 1/4tsk sjávarsalt
- 1/2bolli púðursykur
- 1bolli nýmjólk
- 2 Nesbú-egg
- 1msk smjör
- 1/2tsk vanilludropar
Karamellusósa
- 200g sykur
- 100g smjör
- 200ml rjómi
- 1tsk vanilludropar
- 1/4-1/2tsk sjávarsalt(ef vill)
Bollakökur
- 1 1/2bolli Kornax-hveiti
- 1tsk lyftiduft
- 1/2tsk salt
- 8msk mjúkt smjör
- 1bolli sykur
- 2 stór Nesbú-egg
- 1/2bolli sýrður rjómi
- 1/4bolli karamellusósa
- 1tsk vanilludropar
Krem
- 115g mjúkt smjör
- 2bollar flórsykur
- 1tsk vanilludropar
- 1/4bolli karamellusósa(plús meira ofan á kremið)
Leiðbeiningar
Búðingur
- Setjið hveiti, salt, sykur og helminginn af mjólkinni í pott og hrærið vel.
- Þeytið eggin í lítilli skál með hinum helmingnum af mjólkinni.
- Bætið eggjablöndunni út í pottinn og hrærið vel.
- Setjið pottinn á hellu yfir lágum til meðal hita og hrærið stanslaust með písk þar til blandan byrjar að þykkna (10-15 mínútur)
- Takið af hitanum og blandið vanilludropunum saman við.
- Leyfið búðingnum að kólna við stofuhita og skellið honum síðan inn í ísskáp.
Karamellusósa
- Hitið sykurinn í pönnu yfir lágum til meðal hita þar til hann byrjar að brúnast. Passið að brenna hann ekki. Hrærið þar til sykurinn er allur bráðinn.
- Takið pönnuna af hitanum og hrærið smjörinu saman við.
- Setjið pönnuna aftur á lágan hita og haldið áfram að hræra þar til allt er búið að blandast vel saman.
- Bætið rjóma, vanilludropum og salti saman við og hrærið vel þar til allt er blandað saman. Þetta gæti tekið tíma.
- Leyfið sósunni að malla í 10 mínútur á lágum hita þar til hún er silkimjúlk.
- Skellið sósunni í krukku og leyfið henni að kólna.
Bollakökur
- Hitið ofninn í 180°C og takið til 12-14 möffinsform.
- Blandið hveiti, lyftidufti og salti saman í skál.
- Blandið smjöri og sykri vel saman og bætið síðan eggjunum við, einu í einu.
- Blandið sýrðum rjóma og vanilludropum saman í lítilli skál.
- Bætið síðan þurrefnum og vanillublöndunni saman við smjörblönduna á víxl þar til allt er blandað saman.
- Deilið deiginu á milli möffinsforma og bakið í um 18 mínútur.
- Leyfið kökunum að kólna og skerið svo litla holu í miðjuna á hverri köku. Fyllið holuna með karamellubúðing.
Krem
- Blandið öllum hráefnum vel saman og skreytið kökurnar.
- Hellið karamellusósu yfir kremið og borðið með bestu lyst.
