Vá, hvað er orðið stutt í jólin! Og eins og vanalega byrja ég jólabaksturinn á því að prófa nokkrar tegundir, þróa, baka meira, sleikja sleifar og hugsanlega finna nýja smákökusort sem festir sig í sessi ár eftir ár.

Þetta markar því upphaf tíma sem mér finnst ofboðslega skemmtilegur – jólabaksturinn á undan aðaljólabakstrinum!

Ég byrjaði þetta þróunartímabil á því að reyna að ganga í augun á manninum mínum. Hann er nefnilega ekkert svakalega hrifinn af kökum og kruðeríi. Endrum og eins reyni ég samt að útbúa eitthvað sem hann getur ekki staðist.

Þannig fæddust þessar dúllur.

Hann nefnilega elskar möndlur, Bounty og Royal-búðing. Og viti menn – þessar smákökur innihalda allt þetta þrennt!

Þessar kökur eru algjörlega stórkostlegar með kaffi og þó það sé nóg af sykri í þeim þá draga möndlurnar og kókosinn úr sætunni þannig að kökurnar virka ekki jafnsætar og þær eru í raun og veru – sem margir virðast fíla.

Maðurinn er búinn að samþykkja þessar kökur og finnst þær geggjaðar. Vinnufélagarnir voru líka mjög ánægðir með þær þannig að eitthvað hlýt ég að vera að gera rétt!

Gleðilegan undirbúnings-jólasmákökutíma!

Umsagnir

Umsagnir