Ég elska pítsur. Hvernig er annað hægt? Bræddur ostur, dýrindisálegg og stökkur botn.
En þar sem fólk eins og ég er litið hornauga fyrir að geta borðað pítsu í morgunmat, ákvað ég að búa til sérstaka morgunverðarpítsu sem er meira að segja í hollari kantinum! Batnandi konu er best að lifa…
Þessa uppskrift er að finna í bókinni minni, Minn sykursæti lífsstíll, og myndina af þessu lostæti tók ljósmyndarinn Sunna Gautadóttir.
Ef þig hefur einhvern tímann langað í pítsu í morgunmat þá er ekki eftir neinu að bíða.
Mynd: Sunna Gautadóttir.
Mögnuð morgunverðarpítsa
|
|
|
Hráefni
Botn
- 3bollar granóla að eigin vali
- 1/2bolli saxaðar möndlur
- 1/2msk kanill
- 1bolli mjúkt hnetusmjör
Leiðbeiningar
Botn
- Blandið saman granóla, möndlum, kanil og hnetusmjöri í skál.
- Þrýstið blöndunni í hringlaga form, sem er sirka 20 sentímetra stórt. Kælið í að minnsta kosti eina klukkustund. Gott er að kæla botninn yfir nótt.
„Álegg“
- Hrærið aðeins í jógúrtinni og dreifið henni síðan yfir botninn. Skreytið með berjum, hnetum, ávöxtum - bara hverju sem er! Hér eru engar reglur!
