Ég elska fátt meira en góða pönnuköku.

Það fer allt eftir því í hvernig skapi ég er, hvort ég geri amerískar pönnukökur, franskar og fylltar eða gömlu, góðu íslensku pönnukökurnar.

Í bókinni minni, Minn sykursæti lífsstíll, ákvað ég hreinlega að bjóða upp á uppskriftir að öllum þremur og hér fylgir uppskriftin að frönsku „crêpes“ pönnukökunum svokölluðu.

Hægt er að fylla „crêpes“ með nánast hverju sem er, en í þessari uppskrift fer ég yfir frekar skothelda eplafyllingu sem bráðnar í munni.

Myndirnar af þessu lostæti tók hin yndislega Sunna Gautadóttir sem nær að gera allar matarmyndir girnilega og fallegar.

Gleðilegan pönnukökubakstur!

 

Franskar crêpes með eplafyllingu
Hráefni
Crêpes
Eplafylling
Leiðbeiningar
Crêpes
  1. Blandið öllum hráefnum saman og þeytið þar til blandan er kekkjalaus.
  2. Setjið pönnu á hellu við háan hita og spreyið bakstursspreyi á hana. Þegar pannan er orðin mjög heit hellið þið smá af deiginu á hana og dreifið því jafnt yfir pönnuna. Deigið á bara rétt að hylja pönnuna því pönnukökurnar eiga að vera mjög þunnar.
  3. Steikið kökurnar í 1-3 mínútur á annarri hliðinni og um mínútu á hinni hliðinni.
Eplafylling
  1. Setjið öll hráefni í skál og blandið vel saman. Leyfið þessu að standa í 20 mínútur. Það er gott að undirbúa fyllinguna og steikja síðan pönnukökurnar á meðan hún stendur.
  2. Setjið blönduna á pönnu og hitið yfir meðalhita þar til eplin verða mjúk, eða í 3-5 mínútur.
  3. Setjið eplafyllingu í miðjuna á hverri pönnuköku og lokið kökunum. Þessar eru miklu betri ef bæði pönnukaka og fylling er heit þegar þær eru bornar fram.

Umsagnir

Umsagnir