Í dag er bolludagur og því ber að fagna þar til rjóminn sprautast út úr eyrunum á okkur!

Ég hef birt mína skotheldu uppskrift að vatnsdeigsbollum áður og læt ég hana fylgja með hér fyrir neðan ásamt glænýjum fyllingum sem hafa vakið mikla lukku á mínu heimili. Við erum að tala um…

Sítrónu- og bláberjabollu

Ostakökubollu

Oreo-bollu

Jarðarberjabollu

Banana- og hlynsírópsbollu

Berjabollu

Eins og fyrr þá hvet ég fólk til að leika sér með bollurnar, hvort sem þið bakið þær sjálf eða kaupið út í búð. Það er tímafrekt að baka vatnsdeigsbollur og það getur svo margt klikkað. Þannig að ef þú vilt ómögulega bæta á þig meira álagi þá er 100% málið að kaupa tilbúnar bollur og leika sér með fyllingarnar.

Bolla, bolla, bolla!

Alls konar fyllingar í bestu bollurnar
Hráefni
Vatnsdeigsbollur
Sítrónu- og bláberjabolla
Ostakökubolla
Oreo-bolla
Jarðarberjabolla
Banana- og hlynsírópsbolla
Berjabolla
Leiðbeiningar
Vatnsdeigsbollur
  1. Hitið ofninn í 200°C á undir- og yfirhita. Setjið smjör og vatn í pott og bræðið yfir meðalhita. Náið upp suðu. Slökkvið síðan á hellunni og blandið hveiti og salt rösklega saman við þar til blandan hættir að festast við pottinn.
  2. Skellið í hrærivélaskál og kælið þar til hættir að rjúka úr deiginu þegar það er snert eða hrært.
  3. Pískið eggin, byrjið á sex eggjum ef þau eru mjög stór. Hafið hrærivélina í gangi og blandið eggjunum smátt og smátt saman við. Passið að hræra vel á milli til að sjá þykktina á deiginu. Það á að vera frekar stíft og glansandi.
  4. Sprautið bollum á smjörpappírsklædda ofnplötu eða notið skeið til að móta bollurnar. Bakið í 25 til 30 mínútur og alls ekki opna ofninn fyrr en eftir 20 mínútur svo bollurnar falli ekki.
Sítrónu- og bláberjabolla
  1. Smyrjið lemon curd í botninn og sprautið rjóma yfir. Fyllið bolluna með bláberjum og lokið henni síðan. Skreytið með hvítu súkkulaði og mini smarties.
Ostakökubolla
  1. Hér byrjum við á að gera hafrakexmulning. Hitið ofninn í 160°C. Myljið kexið og blandið saman við restina af hráefnunum. Setjið smjörpappír á ofnplötu og hafrakexblönduna ofan á. Bakið í 10-12 mínútur og leyfið að kólna alveg.
  2. Þá er hægt að skreyta bolluna. Blandið mjúkum rjómaosti saman við flórsykur. Hér fer ég eftir smekk. Blandið smá þeyttum rjóma saman við rjómaostablönduna. Smyrjið rjómaostublöndunni í botninn og sprautið þeyttum rjóma yfir. Fyllið með hafrakexmulningi og lokið bollunni. Skreytið með hvítu súkkulaði og meiri mulningi.
Oreo-bolla
  1. Blandið mjúkum rjómaosti saman við flórsykur. Hér fer ég eftir smekk. Blandið smá þeyttum rjóma saman við rjómaostablönduna. Smyrjið rjómaostublöndunni í botninn og sprautið þeyttum rjóma yfir. Fyllið með Oreo-kexi og kókosbollum. Skreytið með hvítu súkkulaði og meiri Oreo-kexi.
Jarðarberjabolla
  1. Blandið hálfum pakka af búðing við 200 ml af mjólk eða rjóma. Kælið í ísskáp. Fyllið bolluna með búðingnum, sprautið smá þeyttum rjóma og fyllið með söxuðum jarðarberjum. Lokið bollunni og skreytið með bleiku súkkulaði.
Banana- og hlynsírópsbolla
  1. Blandið hálfum pakka af búðing við 200 ml af mjólk eða rjóma. Kælið í ísskáp. Fyllið bolluna með búðingnum, sprautið smá þeyttum rjóma og fyllið með karamellukurli. Lokið bollunni. Blandið flórsykri saman við hlynsíróp og smá mjólk. Skreytið með glassúrnum.
Berjabolla
  1. Blandið hálfum pakka af búðing við 200 ml af mjólk eða rjóma. Kælið í ísskáp. Fyllið bolluna með búðingnum, sprautið smá þeyttum rjóma og fyllið með bláberjum og söxuðum jarðarberjum. Skreytið með bræddu mjólkursúkkulaði.

Umsagnir

Umsagnir