Þetta sykurpúðaþema er alveg að fara með mig! Það er alveg sama hvað ég baka – það er bara allt aðeins betra með sykurpúðum.
Til dæmis þessar pönnukökur. Þær eru mjög góðar einar og sér en síðan ákvað ég að leika mér með sykurpúðasósu í staðinn fyrir síróp og maður minn! Þetta er náttúrulega bara rugl! Þið verðið að prófa þessa uppskrift!
Sykurpúðar og pönnukökur passa mjög vel saman.
Þvílíkt himnaríki!
Dásamlegt!
Súkkulaðipönnukökur með sykurpúðasósu
|
|
|
Hráefni
Pönnukökur
- 1 1/2bolli Kornax-hveiti
- 1/2bolli mulið hafrakex
- 3 1/2tsk lyftiduft
- 1tsk salt
- 1 1/4bolli mjólk
- 1 Nesbú-egg
- 1tsk vanilludropar
- 3msk olía
- súkkulaðibitar
Sykurpúðasósa
- 2 msk smjör
- 2bollar litlir sykurpúðar
Leiðbeiningar
Pönnukökur
- Blandið saman hveiti, hafrakexi, lyftidufti og salti í skál.
- Blandið mjólk, eggi, vanilludropum og olíu saman við og hrærið vel.
- Hitið smjör á pönnu og hellið 2 msk af deigi á heita pönnuna. Stráið súkkulaðibitum ofan á og steikið í 2-3 mínútur. Snúið við og steikið í aðrar 2 mínútur. Endurtakið þar til allt deigið er búið.
Sykurpúðasósa
- Bræðið smjör í potti yfir lágum hita.
- Bætið sykurpúðum út í og hrærið stanslaust þar til allt er bráðnað saman.
- Hellið sykurpúðasósunni yfir pönnukökurnar og stráið smá hafrakexi yfir. Þetta þarf að borða strax því sykurpúðasósan er fljót að harðna.
