Ég hef staðið í þeirri trú að það sé ekki hægt að búa til ostaköku nema með fullt, fullt af rjómaosti og fullt, fullt af flórsykri. Eða, sem sagt ekki ostaköku sem er góð allavega.
En mér finnst gaman að stíga aðeins út fyrir þægindarammann í eldhúsinu og ákvað að leika mér með ostaköku með aðeins minna sykurmagni en vanalega og henda grískri jógúrt inn í mixið eftir að frænka mannsins míns bauð upp á sérdeilis gómsæta ostaköku um daginn með grískri jógúrt.
Útkoman kom mér skemmtilega á óvart. Þessar litlu dúllur eru ekki aðeins veisla fyrir munninn heldur líka mjög ferskar og hressandi.
Þvílík dúlla!
Þessi biti var guðdómlegur.
Brómber eru málið.
Vá, girnilegt!
Litlar brómberjaostakökur með grískri jógúrt
|
|
|
Hráefni
Botn
- 1 - 1 1/2bolli mulið kanilkex(ég notaði Bastogne frá Lu)
- 40g bráðið smjör
Ostakaka
- 115g mjúkur rjómaostur
- 350g grísk jógúrt
- 1/4bolli hunang
- 2 Nesbú-egg
- 1tsk maizena
- 1tsk vanilludropar
- nokkur brómber(til að skreyta)
Leiðbeiningar
Botn
- Blandið smjöri og kexmulningi vel saman og þrýstið í botninn á ca 12-16 möffinsformum.
Ostakaka
- Hitið ofninn í 160°C. Blandið öllum hráefnum vel saman og deilið á milli möffinsformanna.
- Bakið í 25 mínútur og leyfið kökunum að kólna í um klukkutíma, helst inni í ofninum meðan hann er að kólna líka.
