Þessa bakaði ég klukkan 4 um nóttina í Bökunarmaraþoninu, einfaldlega út af því að þeir þurfa mikla ást og hefingu til að heppnast. En þeir eru svo sannarlega biðarinnar virði!
Ég er alveg á því að þetta séu bestu kanilsnúðar í heimi og það sem styrkir þessa trú mína er fullt af fólki í kringum mig, bæði kunningjar og bláókunnugt fólk, sem segir það sama.
Leynihráefnið hér er vanillubúðingsduft sem gerir þessa snúða svo dúnmjúka og dásamlega að það hálfa væri nóg! Þið verðið að prófa þessa.
Unaður!
Ég elska kanilsnúða.
Þeir eru stórir og vígalegir.
Kanilsnúðar eru Guðs gjöf.
Heimsins bestu kanilsnúðar
|
|
|
Hráefni
Snúðar
- 4msk volgt vatn
- 6msk volgt smjör frá MS
- 1pakki Royal-vanillubúðingur
- 2 1/2dl rjómi frá MS
- 2 Nesbú-egg
- 1msk sykur
- 1tsk sjávarsalt frá Kötlu
- 500g Kornax-hveiti
- 1pakki Gestus-þurrger
Fylling
- 3-6msk brætt smjör frá MS
- 200g púðursykur frá Kötlu
- 4tsk kanill
Leiðbeiningar
- Hitið rjómann. Setjið öll hráefnin sem eiga heima í snúðunum í skál og hellið rjómanum yfir. Hnoðið vel saman.
- Stráið hveiti yfir deigið, breiðið yfir það klút og látið það hefast þar til það hefur tvöfaldast.
- Setjið deigið á borðflöt sem búið er að strá hveiti á og fletjið út eins þunnt og þið mögulega getið.
- Smyrjið deigið með smjöri og stráið púðursykri og kanil.
- Rúllið deiginu upp og skerið í bita.
- Setjið klút yfir snúðana og leyfið þeim að hefast aftur.
- Hitið ofninn í 200°C og bakið snúðana í um 15 mínútur.
