Ostakökuís – er eitthvað betra?

Auðvitað þurfti ég að umbreyta mínum eftirlætisrétti, ostakökunni, í ís og útkoman er vægast sagt stórfengleg! Þessi ís er léttur og ferskur en ofboðslega bragðsterkur og djúsí. Ég þakka rjómaostinum fyrir það!

Hér er um að ræða hinn fullkomna eftirrétt í sumar sem bætir lífið manns töluvert þegar að sólin skín.

Þessa uppskrift er að finna í bókinni minni, Minn sykursæti lífsstíll, en uppskriftin er einstaklega einföld, inniheldur fá hráefni og mettir ansi marga svanga maga.

Ostakaka + ís + bláber = Skotheld blanda!


Ofursumarlegur ostakökuís
Hráefni
Ís
Bláberjablanda
Leiðbeiningar
Ís
  1. Byrjið á því að taka til ílangt brauðform til að skella ísnum í. Þeytið svo rjómann og setjið til hliðar.
  2. Þeytið rjómaost, dósamjólk og börk vel saman í skál og bætið síðan rjómanum út í. Blandið honum varlega saman við með sleif eða sleikju.
  3. Skellið blöndunni í formið og fyrstið í 4 klukkustundir.
Bláberjablanda
  1. Setjið bláber, vanillusykur og 3 matskeiðar vatn í pott og eldið yfir meðalhita í 5-7 mínútur. Hér viljum við að bláberin springi og hægt er að hjálpa þeim með því að ýta á þau reglulega með viðarsleif.
  2. Blandið síðan maíssterkju og vatni saman í lítilli skál og bætið út í bláberjablönduna eftir þessar 5-7 mínútur. Sjóðið í eina mínútu til viðbótar.
  3. Takið pottinn af hellunni, hellið blöndunni í litla skál og kælið í ísskáp þar til ísinn er búinn að vera í frysti í 4 klukkustundir.
  4. Takið ísinn úr frystinum og dreifið bláberjablöndunni ofan á hann. Gott er að taka gaffall og dreifa blöndunni með honum til að hún nái aðeins undir yfirborðið. Setjið ísinn aftur í frysti yfir nótt.
  5. Ég mæli svo með því að bera þennan unaðslega ís fram með ferskum bláberjum og hafrakexmylsnu. Það er dúndur!

Umsagnir

Umsagnir