Hó hó hó – aðventan nálgast. Og á aðventu bakar maður!

Lengi vel var ég engin sérstök Söru manneskja. Skildi í raun og veru ekki af hverju fólk var svona sólgið í þær. Mínir bragðlaukar voru greinilega ekki nógu þroskaðir því nú gjörsamlega elska ég þær!

Ég elska ekki bara Sörur heldur finnst mér líka svo gaman að búa þær til. Skemmtilegt og róandi dútl. Það er ríkjandi misskilningur að það sé svo ógurlega flókið að baka Sörur en það er það alls, alls, alls ekki. Þetta er vissulega þolinmæðisvinna og tekur tíma og pláss en flókið er það ekki.

Hér er mín mjög svo hefðbundna uppskrift að Sörum sem ég hef þróað út frá því sem móðir mín hefur kennt mér um Söru bakstur. Það má auðvitað leika sér með þessa uppskrift en mér finnst þessi hefðbunda Sara alltaf langbest.

Kveikið á kertum, hitið ofninn og bakið af ást kæru vinir.


Mjög svo hefðbundnar Sörur
Ingredients
Botn
Krem
Hjúpur
Instructions
Botn
  1. Hitið ofninn í 180°C. Mér finnst best að sleppa blæstri og hafa bara yfir og undir hita. Klæðið tvær ofnplötur með smjörpappír.
  2. Stífþeytið eggjahvíturnar þar til þið getið hvolft skálinni og ekkert rennur úr henni.
  3. Blandið flórsykri og möndlumjöli vel saman. Blandið síðan eggjahvítunum varlega saman við. Hér á ekki að þeyta heldur blanda saman með sleikju.
  4. Notið sprautupoka eða teskeið til að raða kökunum á plöturnar. Það þarf ekki að vera mikið bil á milli þeirra. Bakið í 15 til 20 mínútur og látið kólna.
Krem
  1. Þeytið eggjarauðurnar í 5 til 10 mínútur eða þar til þær þykkna og verða ljósar. Hitið sírópið í 30 sekúndur í örbylgjuofni á meðan. Hafið síðan hrærivélina í gangi og hellið sírópinu varlega saman við í mjórri bunu.
  2. Blandið smjörinu saman við og þeytið vel í nokkrar mínútur. Blandið síðan restinni af hráefnunum við og munið að kakóið og kaffið er smekksatriði og því hægt að draga úr eða bæta í.
  3. Smyrjið góðri slummu af kremi á slétta partinn á kökunum, það er að segja botninn. Raðið á disk og setjið í frysti í um það bil klukkustund.
Hjúpur
  1. Bræðið súkkulaðið í 30 sekúndur í senn í örbylgjuofni og hrærið á milli lota þar til allt er bráðnað.
  2. Dýfið kremhlutanum af Sörunum í súkkulaðið og raðið á smjörpappírsklæddan disk. Skellið Sörunum aftur inn í frysti í nokkra stund áður en þið gúffið þessu í ykkur. Og jú - þið megið auðvitað skreyta Sörurnar eins og ykkur listir!

Umsagnir

Umsagnir