Jæja, núna er ég búin að vera Paleo í rúmar tvær vikur og það gengur þokkalega. Ég er búin að kynnast alls konar nýjum matarréttum og lausnum ef maður vill forðast mjólkurvörur, kornmeti og hvítan sykur. Þannig að ég mæli hiklaust með að prófa mataræði sem þetta, nú eða eitthvað annað, til að hrista upp í matreiðslunni.

Baksturinn hefur verið erfiðari en matseldin þar sem ég elska fátt meira en smjör- og sykurbombur. En allt sem ég birti hér er eitthvað sem ég hef prófað og þróað og er 100% ánægð með.

Til dæmis þetta hafrakex. Með engum höfrum. Það er fáránlega einfalt að búa þetta til og þarf bara nokkur hráefni. Svo er þetta líka gott á bragðið og fullkomið millimál á tyllidögum – nú, eða bara á hverjum degi!


Geggjað Paleo-hafrakex
Hráefni
Leiðbeiningar
  1. Blandið saman möndlumjöli, lyftidufti, sjávarsalti og kanil í skál og setjið til hliðar.
  2. Blandið eggi og hunangi saman í annarri skál og blandið síðan þurrefnunum saman við. Hér er gott að nota hendurnar.
  3. Setjið plastfilmu yfir skálina og inn í ísskáp í um hálftíma.
  4. Hitið ofninn í 160°C og setjið smjörpappír á ofnplötu.
  5. Fletjið deigið út, annað hvort á milli tveggja smjörpappírsarka eða með möndlumjöli.
  6. Skerið út kex með pítsaskera eða skerið út hvaða form sem er.
  7. Raðið á ofnplötuna og bakið í 12-15 mínútur. Passið ykkur því um leið og kökurnar fara að brúnast eru þær fljótar að brenna.

Umsagnir

Umsagnir