Já, ég veit að þessi fullyrðing hljómar frekar brött. Bestu bollakökur í heimi – getur það verið? Jú, ég hef borðað minn skammt, og annarra manna skammta, af bollakökum í gegnum tíðina og ég get fullyrt að þessar bollakökur eru þær langbestu sem ég hef nokkurn tímann smakkað. Og fullt af öðru fólki finnst það líka. Þannig að þið verðið bara að prófa þær til að trúa. Hendið bara í þær á degi þar sem þið eruð í góðu jafnvægi og alveg sama þó þið líðið út af í súkkulaðirjómaostavímu.

Í þessum kökum er mitt eftirlætissúkkulaði – trufflur frá Lindt. Trufflurnar sem ég nota í þessar eiga að vera hvítar en þar sem það er stundum erfitt að finna box á Íslandi með bara hvítum trufflum þá hef ég brugðið á það ráð að nota líka mjólkursúkkulaðitrufflurnar. Þið getið svo leikið ykkur með þetta eftir því hvaða trufflur þið eigið.

Og já, ég veit að Lindt-trufflur eru ekki ódýrasta stöffið á markaðnum en trúiði mér – þessar kökur eru þess virði að spreða í þær.

Lindt bjargar deginum!

Þær gerast ekki fallegri!

Dúllurnar komnar úr ofninum og búnar að háma í sig trufflu.

Þrjár á disk.

Trufflurnar skornar í tvennt.

Umsagnir

Umsagnir